پۆلیسی دارستان و ژینگەی سلێمانی بڵاویکردەوە کە ئاگرێکی فراوان سنووری ناحیەی گەرمک و گوندەکانی ( شایەن و میشاو )ی گرتەوە و بووە هۆی سووتانی زیاتر لە 300 دۆنم پوش و پاوان و دارستان.
هەروەها دەڵێت؛ بە مەبەستی کوژاندنەوەی ئاگرەکە مەفرەزەیەكی بنکەی پۆلیسی دارستانی گەرمك بە سەرپەرشتیی ئەفسەری بنکە گەیشتنە شوێنی مەبەست و بە هاوکاری ئاسایشی ناحیەی گەرمك و پاسەوانی سنور و پۆلیسی گەرمك و هاووڵاتیانی سنوورەکە توانیان ئاگرەکە بکوژێنەوە و کۆنترۆڵی بکەن.
