سوپای پاسدارانی ئێران ڕایگەیاند کە لە ماوەی 24 سەعاتی ڕابردوودا سێ کەشتیی نەوتهەڵگر لە گەروی هورمز بەر مینی دەریایی کەوتوون و تێکشکاون.
لە ڕاگەیەندراوێکی سوپای پاسداران هاتووە کە ئەو کەشتییە سەرپێچیکارانە سیستمی ڕاداریان کوژاندبووەوە و بێ گوێدانە هۆشیارییەکان هەوڵیان داوە بە بێ مۆڵەت گەرووەکە تێپەڕێنن.
سوپای پاسداران داوا لە خاوەن کەشتی و بازرگانەکان دەکات بڕوا بە لێدوانەکانی فەرماندەیی ناوەندیی ئەمریکا (سێنتکۆم) نەکەن، جەختیشی کردەوە کە تێپەڕبوون بە گەرووەکەدا ئاسان نییە و وەرنەگرتنی مۆڵەت باجی قورسی دەبێت.
