بەڕێوەبەرایەتی هاتوچۆی سلێمانی دەڵێت؛ سەرەڕای خۆڵبارین و ناھەمواری کەشوھەوا لەخزمەتکردنی ھاووڵاتیان بە پەرۆشەوە بەردەوامین.
هاتوچۆی سلێمانی چەند رێنمایەکی بۆ شۆفێران بڵاوکردوە و داوای کرد لەکاتی خۆڵباریندا ئەم ڕێنماییانە جێبەجێ بکەن:
- پێویستە خێراییەکەت کەم بکەیتەوە لەکاتی خۆڵبارینی چڕ لەبەرئەوەی ئاستی بینین کەم دەبێتەوە.
- ماوەی سەلامەتی لە نێوان ئوتومبیلی خۆت و ئۆتۆمبێلی بەردەمت بپارێزە.
- پێویستە دەبەی ئاوی فڵچەکان بەشی پێویستی ئاوی تێدا بێت و فڵچەکان بە باشی کار بکەن بۆ پاککردنەوەی جامی پێشەوە.
- تا دەکرێت لە کاتی شەودا گەشت ئەنجام مەدە بەتایبەت گەر خۆڵبارینەکە چڕ بوو.
- ئەگەر زۆر پێویست نەبێت باشتر وایە تاکۆتایی ئەم شەپۆلە خۆڵبارینە گەشت و شۆفێری نەکەیت لە ڕێگاوبانی دەرەوەی شارەکان و لەئەگەری شۆفێری لەو رێگایانە پێویستە باپەبەندبونێکی زیاتر ھەبێت بە خێرایی دیاریکراوەکان و ڕووناکی نزم داگیرساو بێت و بە ھیچ شێوازێک کرداری تێپەڕاندنی ھەڵە و مەترسیدار ئەنجام نەدرێت .
- لەکاتی حاڵەتی نەخوازراو دەکرێت شۆفێران داوای ھاوکاری لە بەڕێوەبەرایەتی ھاتوچۆی سلێمانی بکەن ئەویش لەڕێگەی ھێڵی گەرمی کۆنتڕۆڵی ھاتوچۆ بەژمارە 188.
ماوەی دوو ڕۆژە شەپۆلێکی خۆڵبارین سلێمانی و ناوچەکەی گرتوەتەوە و ڕادەی بینین زۆر کەم بووە و بەگوێرەی ڕاپۆرتی کەشناسی سبەی نیوەرۆ شەپۆلەکە کۆتای دێت.
