زێڕ و دۆلار – Slemani Daily
سەرلەبەیانی ئەمڕۆ لەگەڵ کردنەوەی بازاڕەکانی هەرێمی کوردستان، نرخی دۆلاری ئەمریکی و زێڕی عەیار 21 بە شێوەیەکی بەرچاو بەراورد بە چەند هەفتەی ڕابردوو دابەزین، ئەمەش گۆڕانکارییەکی نوێی لە بازاڕی ئاڵوگۆڕی دراو و زێڕدا دروست کردووە.
سەبارەت بە نرخی دراوی ئەمریکی لە بازاڕەکانی ئەمڕۆ دووشەممە 20ی تەممووزی 2026، نرخی کڕین و فرۆشتنی 100 دۆلاری ئەمریکی دابەزینی بەخۆوە بینی و گەیشتە 151,600 دیناری عێراقی، ئەمەش نیشانەیەک بوو بۆ شکانی ئەو نرخە بەرزەی کە لە ماوەی ڕابردوودا تۆمارکرابوو.
لەلایەکی دیکەوە و هاوشانی دابەزینی دراوەکە، بازاڕی زێڕیش ڕووی لە دابەزینێکی بەرچاو کردووە و لە ئێستادا نرخی یەک مسقاڵ زێڕی عەیار 21 بە 862,000 دینار مامەڵەی پێوە دەکرێت، ئەمەش دوای ئەوە دێت کە لە چەند هەفتەی ڕابردوودا نرخی زێڕ لە ئاستێکی پێوانەیی بەرزدا جێگیر بوبوو.
