گشتی

دەستەی سەربەخۆى مافی مرۆڤ: نیگەرانین لە تەقەکردن لە هێمن مامەند گشتی

دەستەی سەربەخۆى مافی مرۆڤ: نیگەرانین لە تەقەکردن لە هێمن مامەند

دەستەی سەربەخۆی مافی مرۆڤ لەبارەی بریندارکردنی ڕۆژنامەوان و چالاکوان، هێمن مامەند دەڵێت، نیگەرانین لە تەقەکردن لەو ڕۆژنامەوانە و وەکهەوڵێک بۆ سنووردارکردنی دەنگی ئازاد و کاری ڕۆژنامەوانی لەشاری سلێمانی دەیبینن. دەستەی سەربەخۆی مافی مرۆڤ لە هەرێمی کوردستان لە ڕاگەیەندراوێکدا دەڵێت: “پاش ڕووداوەکە، تیمێکیان سەردانی نەخۆشخانەیان کردووە وچاویان بە هێمن مامەند کەوتووە و لەهەواڵیان پرسیوە، لە ئێستادا لەژێر چاودێریی پزیشکیدایە.  هەر لە پەیامەکەیاندا، دەستەی سەربەخۆی مافی مرۆڤ دەڵێت؛ پێویستە دەزگا ئەمنییەکان و ئیدارەی پارێزگای سلێمانی هەرچی زووە بکەرانی ئەوکارە بدۆزنەوە و دەستگیریان بکەن و رادەستی یاسا بکرێن. دەستەکە ئاماژەی بەوەشکردووە، لەنزیکەوە چاودێریی ئەو دۆسییەیە دەکەن و چاوەڕوانی لێکۆڵینەوەکان دەبن.

9 مانگ پێشتر 68
بەهۆی شەڕەچەقۆ کەسێک لەنزیک ڕووباری سیروان کوژرا گشتی

بەهۆی شەڕەچەقۆ کەسێک لەنزیک ڕووباری سیروان کوژرا

پۆلیسی گەرمیان ڕایگەیاند، شەوی ڕابردوو لەنزیک ڕووباری سیروان شەڕەچەقۆ لەنێوان دوو گەنج ڕوویدا، لەئەنجامدا یەكێكیان بەناوی ( ڕێكارعوسمان) لەدایكبووی 2007، دانیشتووی كەلار گەڕەكی گۆران بەهۆی بەركەوتنی چەقۆوە گیانی لەدەستدا و بکوژیش برینداربوو. هەروەك پۆلیسی گەرمیان ئاماژەی پێداوە، لەئێستادا بریندارەكە بەبڕیاری دادوەر و بەپێی مادەی 405 بەندكراوە، هاوکات، پۆلیسی بەشی نەهێشتنی تاوانی گەرمیان لەسەر ڕووداوەكە دەستیان بە لێكۆڵینەوە كردووە.

9 مانگ پێشتر 91
1 … 31 32 33 34 35 36