نەخۆشخانەی هیوا ئاماری تووشبوانی شێرپەنجەی مەمکی ڕاگەیاند
د.زەردەشت محەمەد، وتەبێژی نەخۆشخانەی هیوا ڕایگەیاند: لە سەرەتای ئەمساڵەوە تا مانگی ئەیلولی ئەمساڵ 413 ژن تووشی شیرپەنجەی مەمک بوون، هەروەها لەو ماوەیەدا شەش پیاویش هەڵگری نەخۆشی شێرپەنجەی مەمک بوون.
زەردەشت محەمەد ئاماژەی بەوەکرد: ڕێژەیی توشبوون بە شێربەنجە لەگەڵ زیادبوونی ژمارەیی دانیشتووان زیاد دەکات و لە ئێستادا ئەو ڕێژە زۆرە نیە کە جێگەی مەترسیی بێت.
بەپێی ئامارەکانی نەخۆشخانەی هیوا لە سلێمانی، لە پێنچ ساڵی رابردوودا ژمارەی توشبووانی ژنان بە شێرپەنجەی مەمک گەیشتووەتە دوو هەزار و 635 ژن، لە پیاوانیشدا تووشبوون بەو نەخۆشییە گەیشتووەتە 25 پیاو.
