دەقی هەواڵ
ئاشکراکردنی گەندەڵی – Slemani Daily
لەمەودوا هەر هاووڵاتییەک یان فەرمانبەرێک لە کەرتی گشتی، زانیاری و بەڵگەی دروست لەسەر بوونی گەندەڵی و کاری نایاسایی لە دامەزراوەکانی هەرێمی کوردستان ئاشکرا بکات، پاداشتی دارایی دەکرێت.
دەستەی دەسپاکی بڕیارێکی نوێی بە مەبەستی هاندانی هاوکاران و هەواڵدەران ڕاگەیاندووە، بەپێی بڕیارەکە، پاداشتەکە (مەکافئە) هەم فەرمانبەرانی کەرتی گشتی و هەم کەسانی مەدەنی دەگرێتەوە، بەو مەرجەی زانیارییەکانیان لەسەر هەر سەرپێچییەک بە بەڵگەی حاشاهەڵنەگرەوە بێت، بێ گوێدانە ئەوەی ئەو کەسەی گەندەڵییەکەی کردووە فەرمانبەرە یان بەرپرس و لە چ ئاستێکی پلەی وەکشیدایە (پلەی وەزیفی).
دەستەی دەسپاکی سێ ڕێگەی فەرمی و پارێزراوی بۆ گەیاندنی زانیارییەکان دیاری کردووە:
ڕێگەی یەکەم: سەردانیکردنی ڕاستەوخۆ و خستنە ناو سندوقی سکاڵا لە دەستەی دەسپاکی.
ڕێگەی دووەم: ناردنی ئیمەیڵ بۆ ناونیشانی فەرمی: info@despaky.krd
ڕێگەی سێیەم: ناردنی ئیمەیڵ بۆ ناونیشانی دووەم: despaky.office@gmail.com
ڕێگای چوارەم: پەیوەندیکردن بە هێڵی گەرمی ژمارە 1015.
