کارکردنی سەرتاشخانەکان ـ Slemani Daily
قایمقامییەتی قەزای ئامێدی بڕیارێکی نوێی سەبارەت بە دیاریکردنی کاتی کارکردنی سەرتاشخانەکان دەرکرد و ڕایگەیاند، لە دوای کاتژمێر 08:00ی شەوەوە کارکردن و سەرتاشین بە تەواوی قەدەغەیە.
بەپێی بڕیارێکی نوێی قایمقامییەتی قەزای ئامێدی، کاتی کارکردنی سەرتاشخانەکانی سنوورەکە ڕێکخرایەوە؛ بەجۆرێک هەموو سەرتاشخانەکان تەنها لە نێوان کاتژمێر 08:00ی بەیانی تاوەکو 08:00ی شەو دەتوانن دەرگای دوکانەکانیان بکەنەوە و پێشوازی لە هاووڵاتییان بکەن.
لەنێو بڕیارەکەدا ئاماژە بەوەش کراوە، دوای کاتژمێر 08:00ی شەو بە هیچ جۆرێک ڕێگە بە دوکانکردنەوە و ئەنجامدانی سەرتاشین نادەرێت و هەر کەسێک سەرپێچی بکات ڕووبەڕووی ڕێکاری یاسایی دەبێتەوە.
