تاڵەبانی جێگری سەرۆکی حکومەتی هەرێمی کوردستان، بە فەرمی پۆستی سەرۆکایەتی یانەی وەرزشی سلێمانی وەرگرت.
ئەمڕۆ یەکشەممە 1ی شوباتی 2026, لە هەنگاوێکی نوێدا بۆ بوژانەوەی کەرتی وەرزش لە شاری سلێمانی، قوباد تاڵەبانی، جێگری سەرۆکی حکومەتی هەرێمی کوردستان، بە فەرمی وەک سەرۆکی یانەی وەرزشی سلێمانی دیاریکرا.
لە کۆبوونەوەکەدا کە کاتژمێرەکانی پێشنیوەڕۆی ئەمڕۆ لە شاری سلێمانی بەڕێوەچوو، بڕیاری کۆتایی لەسەر سپاردنی سەرۆکایەتی یانەکە بە قوباد تاڵەبانی درا, ئەم بڕیارە لە کاتێکدایە کە یانەی سلێمانی دێرینەکانی شار لە ماوەی ڕابردوودا بەدەست چەندین کێشەی دارایی و کارگێڕییەوە دەیناڵاند، وەرگرتنی ئەم پۆستەش لەلایەن ناوبراوەوە وەک هەوڵێک بۆ ڕزگارکردنی یانەکە لەو دۆخە دەبینرێت.
سەرچاوەیەکی ئاگادار لە ناو یانەکەوە ڕایگەیاند کە کارنامەی سەرۆکی نوێ بۆ ساڵی 2026 بریتی دەبێت لە:
• بوژانەوەی دارایی: دابینکردنی سپۆنسەری بەهێز بۆ تیپە جیاوازەکانی یانەکە.
• گرنگیدان بە خولەکان: ئامادەکارییەکی چڕ بۆ ئەوەی یانەی سلێمانی بگەڕێتەوە پێگەی شایستەی خۆی لە خولی نایابی کوردستان و عێراق.
• خزمەتگوزاری وەرزشی: نۆژەنکردنەوەی ژێرخانی یانەکە و یاریگا کانی مەشق و ڕاهێنان.
یانەی سلێمانی یەکێکە لە یانە هەرە دێرین و خاوەن جەماوێکی زۆرە لە هەرێمی کوردستان، و هاندەرانی یانەکە هیوای زۆریان لەسەر ئەم گۆڕانکارییە هەڵچنیوە بۆ ئەوەی جارێکی تر نازناوەکان بۆ شارەکە بەدەستبهێننەوە.
