قائیمقامی قەزای ڕانیە ڕایگەیاند: پێویستە هاوڵاتیان لە ماوەی 15 رۆژی داهاتوودا نەوتەکەیان وەربگرن بە پێچەوانەوە مافی وەرگرتنیان نامێنێت و کۆتایی بە پرۆسەی دابەشکردنی نەوت دێت.
بە فەرمانی بەڕێوەبەرایەتی نەوت و کانزاکانی ڕاپەڕین و لەسەر بنەمای نووسراوی ژمارە (658)، قائیمقامیەتی قەزای ڕانیە ئاگاداریی زۆر گرنگی بڵاوکردەوە و تێیدا ماوەی 15 ڕۆژی داهاتووی وەک دوا مۆڵەت بۆ ئەو هاووڵاتییانە دیاریکرد کە تا ئێستا بەشە نەوتی وەرزیی ماڵانیان وەرنەگرتووە. قائیمقامیەت ڕایگەیاندووە، دوای ئەو ماوەیە، مافی وەرگرتنی نەوت نامێنێت و بە یەکجاری کۆتایی بە پرۆسەی دابەشکردن دەهێنرێت.
بەپێی ئەو ئاگادارییەی کە ئەمڕۆ بڵاوکرایەوە، داوا لە سەرجەم ئەو هاووڵاتیانەی سنوری قەزای ڕانیە و ناحیەکانی (وەک چوارقوڕنە، بێتواتە و حاجیاوا) دەکرێت کە ناویان لە لیستی وەرگرتنی نەوتی سپیدا هەیە و بە هەر هۆکارێکەوە نەوتی وەرزییان وەرنەگرتووە، پێویستە لەو ماوەیەدا سەردانی خاڵە دیاریکراوەکانی دابەشکردن بکەن.
قائیمقامی ڕانیە ئاماژەی بەوەکرد؛ ئەم بڕیارەی بە مەبەستی ڕێکخستنەوەی پرۆسەکە و داخستنی لیستی نەوتە پێویستەکان دێت، چونکە بەڕێوەبەرایەتییە پەیوەندیدارەکان ئامادەکاری دەکەن بۆ ئەوەی کۆتایی بەم خولەی دابەشکردن بهێنن. بەرپرسانی قائیمقامیەت داوا لە هاووڵاتیان دەکەن کە بە وردی پابەندی ئەم کاتە بن، چونکە مافی داواکردنی نەوت لە هاووڵاتی سەنێتەوە ئەگەر لەو ماوە دیاریکراوەدا نەوتی وەرنەگرێت.
ئەم بڕیارە لە کاتێکدایە کە ناوچەکە لە نیوەی وەرزی سەرما و باراندایە و خواست لەسەر نەوتی ماڵان لەوپەڕی دایە. پرۆسەی دابەشکردنی نەوتی ماڵان لە هەرێمی کوردستاندا لە هەندێک ناوچە بە هێواشی بەڕێوە چووە و ئەمەش گومانی دروست کردووە لەبارەی سەرجەم هاووڵاتیان.
بەڵام، ئەم ئاگادارییەی ئەمڕۆی قائیمقامیەتی ڕانیە دوایین هەوڵە بۆ دڵنیابوون لەوەی کە هەموو ئەو هاووڵاتیانەی مافیان هەیە بتوانن لەو بەشە نەوتە سوودمەند ببن پێش ئەوەی بە فەرمی دەرگای پرۆسەکە دابخرێت بۆ خولی داهاتوو، یان تا کاتی گۆڕانکاری لە پلانەکانی دابەشکردندا.
